The Dinka Prayer Book

Description

WƐTNHOM

Kanitha de Aŋgelïkan piny de Thudän ee com Akut de Lëk de Wɛ̈t de Nhialic cɔl (CMS) në run de 1899 ku bïï ke ye Pöroben kääc në rɔt cɔl Kanitha de Epïthkapol de Thudän në run de 1976.

Në Bilthi yic 2017, ɣɔn acë run keedhetem ëke yökë Thäuth Thudän ke nhomlääude në 2011 lɔ, Kanitha acë bɛ̈n tekic në pörobeen keerou, Pöroben de Kanitha de Epïthkapol de Thäuth Thudän ku Pöroben de Kanitha de Epïthkapol de Thudän.

Në lanë gɔlë Kanitha, Nɔ̈ɔ ̈th ku Thäuth Thudän aake ye luui në buŋ de duɔ̈ɔ ̈r de 1662 cë juiir ye kuany cök në raan tök ku në kɔc kedhiɛ.

Buŋ de duɔ̈ɔ ̈r de 1662, acë kanitha dac cɔk tɔ̈ në mät yic ku muk akököl de ciɛɛŋ de Aŋgelïkan në run, ku në ye mɛɛn, acuk yök ke piɛth buk naŋ Luɔɔi jöt de Duɔ̈ɔ ̈r de Kanitha de Epïthkapol de Thäuth Thudän bë käkuɔɔn kɔrkuke ke yee mɛnë cɔk lɔcök.

Wuɔ cë käpiɛth ke duɔ̈ɔ ̈r tɔ̈ në buɔ̈k wääc ke Amatnhom de Aŋgelïkan mat në ye buŋë yic, ku cɔkku biäk de kä ke wëi de Aŋgelïkan cɔk tɔ̈ cë mɛnde. Në yekënë yic, wuɔ ye käcëgɔ̈ɔ ̈r Lajik tɔ̈ në Lëk Thɛɛr yic ku Lëk Jöt gam keke ye wɛ̈t de Nhialic cëgɔ̈ɔ ̈r ku nɔŋ kë yiic käŋ kedhiɛ tiŋ röth kennë luäk (2 Tim 3:16-17). Baibol abë ya waaric ku cir, wëëtë, piööcë ku ye theek cë mɛnde ku löŋ de kanon, riëëudïït de akököl de Kanitha ku de kuɛ̈n cë gam.

v Ke ɣɛn ye Përaimet de dhiëc ku ya përaimen tueeŋ de Kanitha de Epïthkapol de Thäuth Thudän, ɣɛn weei Awuut ku Leirïdaai bïk ye buŋë luɔɔi apiɛth eke nɔŋ adöt ku nyiɛ̈c täk ago thɛɛ kuɔɔn ke Duɔ̈ɔ ̈r kedhiɛ ya lɔyum ku thiɛ̈ŋ kë në wëi.

Alɛɛc da alɔ tënɔŋ Akutnhom de Lëk ku Leer bii de Wɛ̈t në gäär cïï kek ye buŋë gɔ̈ɔ ̈r, ku Akutnhom de Piööc de nyïny de kä ke Nhialic ku Duɔ̈ɔ ̈r, de Pöroben në cökpiny ku nyïny lɔcök cïk tääu thïn cë ye luɔɔië cɔk thök.

Wuɔ lec tiŋ cɔl Kate Brankin ku Raandït Jothep Ayaac Deŋ në gɛm cïk keek röth gam bïk yee buŋë juiir bë tɔ̈ cë yee mɛn tɔ̈ yenë.

Eeyabë Rin ke Nhialic ya nhoom në duɔ̈ɔ ̈r de kɔc ke.

The Most Rev’d Dr. Justin Badi Arama Përaimet de Kanitha de Epïthkapol de Thäuth Thudän ku yee Becem de Daithinh de Juba Alɛkboor 22 2018.